أشياء صغيرة تهم الرجل

اشياء صغيرة قد لانعطي لها بال يكون لها آثار تستمر مدى الحياة……….

 

رجع زوجك تعبان من الشغل وقعدتي عند أقدامه تكبسيه أو إذا كان عمله يستدعي الوقوف طويلا…طشت ماء دافيء مع ملح ومنشفة علشان بعد ماينقع قدميه تنشفي له هي!!

 

 

لاحظتي إن عنده خشونة في الكعبين….اعملي له بديكور(عناية الرجل)نقعي قدميه في ماء  ثم ازيلي الخشونة بالموس الخاص وابردي له الجلد الزايد……..

 

رجع زوجك من العمل وشايل هموم الدنيا على راسه بدل ماتشتكي له من الشغالة ولا من الأولاد والا من زهقك أسأليه مين اللي زعله وإيش اللي كدر خاطره!!

 

شاف طبخه في التلفزيون وعجبته تاني يوبم أو في نفس اليوم في الليل اعملي له هي وفاجئيه!!

 

زهقان ومو طايق كلمة من أحد …اتركيه لوحده قليلا ثم أحضري مشروب يحبه وضعيه في مكان قريب في متناول يده!!

 

الرجل لايستطيع أن يشكي همومه للآخرين كل شيء يظل في قلبه ومن الصعب جدا أن يشكي لأحد ….عكس النساء عندنا صديقات وأقارب و99% نفضفض المهم إننا نعبر عن مشاكلنا حتى لو مااشتكينا عندنا دموعنا …بس الرجل مختلف…وهذا هو السبب اللي يخليه دايما يرجع البيت حيث الراحة والهدوء والسكن النفسي!!