السلام عليكم ورحمة الله
مساهمة متواضعة مني لتوضيح معنى الحياة الزوجية للشباب والشابات من الجيل الجديد!!
-
Blog Stats
- 5,150 hits
-
Top Clicks
- بدون
-
أحدث التدوينات
الأرشيف
-
أحدث التعليقات
القلب الدافئ on االسعادة الزوجية القلب الدافئ on االسعادة الزوجية faddy on نبذة عني أم إسماعيل on وراء كل رجل ضعيف امرأة مس… اقصو صه on وراء كل رجل ضعيف امرأة مس…
بسم الله بدأنا معاك ..
الله يجزاك خير ام اسماعيل ..
متابعينك ان شاء الله
..
2هذيان….وإياك والمسلمين……
في رأيي الشخصي ان الاحترام اساس الحياة الزوجية السعيدة او حتى الغير سعيدة بالعربي اساس استمرار الحياة لو تبغوني اوضح فكرتي قولوا
حياك الله سحر…أكيد الاحترام اساس مو بس في الحياة الزوجية بل في كل العلاقات ……بس في الحياة الزوجية أهم…..بانتظار تعليقك
هلا ومرحبتين
في نظري في حاجات كتير مهمة في الحياة وفي حاجات بنحب نعملها بطرق معينة بس بعد الزواج لازم نعمل فرملة شوية
يعني مثلا لو انا متعودة على نمط معين في الحياة واتزوجت راح اواجه مشكلة لو طريقتي في الحياة ما تمشي مع شريك العمر . طيب الحل انه لازم يكون في تنازلات من الطرفين بس المشكلة انه احنا (النصف الحلو ) اللي لازم يتنازل اكتر بسبب حاجات كتير منها لو عندك اطفال ما بدك تشتتيهم , الوحدة مننا ما بدها ترجع بيت اهلها وتتزوج من تاني وتمر بنفس الحاجات من البداية
منها على رأي الوالدة الوحدة ما بدها تصير فوطة حمام (الكل يتمسح فيها )
طبعا مع تعداد الزواج
منها ان المرأة هي الآقدر على تحمل المشكلات العائلية مش لآنها ضعيفة او او لآ لآن ربنا اعطاها طاقة صبر أكبر أجل كيف بتقدر تربي الصغار
منها الحنان الفطري
منها كل انسان له عدو وله حبيب والواحد مابده يصير لبانة في فم الناس
(صبور على ريب الزمان صعيب حريص على أن لا يرى بي كأبة فيشمت عاد أو يساء حبيب …)
يعني باختصار ومن غير تطويل فيه فرق بين الوحدة الي بدها تعيش والوحدة ال….(ضاربتها ب….القديمة )
المشكلة انهاحنا في زمن البنات على قفا من يشيل والفتن كتير وحتى لو انتي حلوة في اللي احلى ولو انتي رشيقة في اللي ارشق ووووو….
والمشكلة التانية انه ماصار في صبر من الطرفين يعني على اقل حاجة الوحدة بتقول طلقني والا ترجع بيت اهلها تقول اجلس اكل واشرب واكبر مخدتي ولا في احد يزعجني ولا يطلب مني حاجات ولا ولا …وللآسف ما عندها صبر على المحاولة في انجاح الحياة طيب سؤالي لك ياللي بتفري كده كنتي اتزوجتي من الآساس ليه ؟؟كان جلستي في بيتك من اول ..
وبعدين لو كل وحدة فكرت في ايجابيات الزواج فقط وتركت سلبياته فهي غبية ولا مؤاخذة لآنه أي شيء في الدنيا له ايجابيات وله سلبيات
صحيح انه رجال الآيام دي صاروا اكترهم زي خيشة الباب بس برضه احسن من بلاش ولا تزعلوا مني يارجالة بس المشكلة انه كل واحد ما بده يعمل حاجة مثلا اللي ما بده يقضي واللي مابده يوصل مشاوير واللي مابده زوجته تنسى شيء في المقاضي وبعدين تفتكره واللي ما بده حتى يودي مستشفى واللي مابده يجيب شغالة (بالرغم من اني ما احب الفكرة دي لو الست فيها صحة وقادرة تعمل شغلها خاصة لو كان بيتها صغير) واللي كل ما تطلب منه زوجته شي يقول خلي اهلك يودوكي واللييشوف الفضائيات ويطلب من زوجته تصير زيهم طيب مهو هي برضه عندها عيون وبرضه ياسلام لو كان زوجي زي ….بس ياترى هل هي تقدر تطلب منه الطلب ده كان قامت الدنيا وما عرفت تقعد تاني والليواللي باختصار ما بدهم يشيلوا مسؤلية
معليش طولت عليكم وهي قصيرة
لازم زي ما قلت يكون في تنازلات ومننا اكتر والحل انه كل واحد يقوم بواجباته قبل ما يطلب حقوقه ولازم من الصبر واااااااه منه
عمره ما راح نقدر نغير شريك العمر كلية بس للحق كل واحد مننا بيتغي شوية الين ما نوصل لنقطة معقولة تمشي بيها المركب . لو كل واحد او واحدة فكروا يغيروا من الشريك وخلوا الحكاية دي نصب اعينهم عمرهم ما راح يهدى لهم بال باختصار تاني لازم كل واحد يتقبل شريكه زي ما هو الا في الحاجات الكبيرة جدا
طبعا انا خرجت عنموضوع الاحترام بس برضه الكلمتين دي كانت واقفة في حلقي معليش استحملوني ويمكن ارجع للاحترام تاني والله اعلم..وسلامتكم
يعني برضه بدهم ايجابيات الزواج فقط وده برضه غلط
معليش طولت عليكم
وسامحونا